Um viðburðinn

Reynir Hauksson gítarleikari heldur einleikstónleika í Hannesarholti föstudaginn 5. apríl. Á efnisskránni verða þekkt verk úr heimi Flamenco tónlistar í bland við eigin tónsmíðar.

Reynir býr í Granada, Spáni og starfar þar sem Flamenco gítarleikari. Tónleikarnir í Hannesarholti eru liður í tónleikaferð hans um landið, með því markmiði að kynna Íslendinga fyrir töfrandi heimi Flamenco.

Tónleikarnir hefjast klukkan 20:30 og standa í um 80 mínútur með hléi. Veitingastaðurinn í Hannesarholti er með opið fram á kvöld. Borðapantanir í síma 511-1904 og á hannesarholt@hannesarholt.is