Um viðburðinn

Vinkonurnar í YLJU hafa nú starfað saman í 10 ár og komið víða við. Þær eiga að baki þrjár breiðskífur, ótal tónleika innan lands sem utan, tilnefningar til íslensku tónlistarverðlaunanna og ansi margt fleira. Allt frá því að þær kynntust í kór Flensborgarskólans í Hafnarfirði hafa þær haft mestan áhuga á íslensku þjóðlögunum og var því kjörið að fagna þessum stóra áfanga með að ráðast í gerð veglegrar þjóðlagaplötu sem telst þá þeirra þriðja.

Loksins mæta þær Gígja og Bjartey á Hendur í Höfn og ætla að taka nokkur af þjóðlögunum ásamt öðrum góðum uppáhalds lögum.

Hendur í höfn er lítill og ljúfur veitingastaður, kaffihús og glervinnustofa í Þorlákshöfn.

Frekari upplýsingar um matseðil má finna á www.hendurihofn.is og hægt er að taka frá borð á hendurihofn@hendurihofn.is