Tix.is

  • 18. jan. - Kl. 20:00
Miðaverð:12.990 - 29.990 kr.
Um viðburðinn

Alda svarar öllum þeim spurningum um lífið og heilann sem hún hefur fengið svör við í gegnum tíðina ásamt því að kafa djúpt í huga þinn með upplifun sem hún setur upp á staðnum. Öllum gefst tækifæri á að senda inn sína eigin spurningu hvað varðar huga okkar, heilastarfssemi, lífið, sambönd, að koma sér á framfæri eða hvað sem á þér brennur. Alda mun einnig gefa svör við eftirfarandi spurningum:

Hvernig getum við notað okkar “annað sjálf” til að ná meiri árangri en við getum ímyndað okkur?
Hvernig búum við til tækifærin bæði á Íslandi og úti í heimi?
Hvernig vitum við hvenær við eigum að grípa tækifærin?
Hvernig kem ég sjálfri/um mér á framfæri án þess að líða illa með það?
Hvernig sigrast ég á Imposter Syndrome?
Hvernig getum við endurforritað samband okkar við hugann til að vinna með okkur en ekki gegn okkur?
Hvernig vitum við hvað hefur haft mest áhrif á okkur frá æskunni okkar og fyrri reynslu?
Hvernig greinum við og útilokum það sem hefur neikvæð áhrif á okkur?
Hvernig getum við fylgt hjartanu og vaknað með tilhlökkun gagnvart deginum?
Hvernig getum við fyrirgefið sjálfum okkur og öðrum?
Hvaðan koma viðhorfin okkar?  
Hvernig skilgreinum við og meltum gagnrýni á okkur sjálf?
Hvernig náum við tökum á Egó heilastöðinni?
Hvaðan talar innsæið við okkur og hvernig greinum við það?
Hvernig getum við auðveldað ákvarðanaferli okkar?
Hvernig myndum við djúpar tengingar við annað fólk í einu samtali?  
Hvernig greinum við frá hvaða heilastöðum hugsanir okkar eru að koma?
Hvernig getum við lifað þannig að ekkert komi okkur úr jafnvægi?  

Nánar um viðburðinn:  

  1. Viðburðurinn fer fram á íslensku.
  2. Fyrirlestur ásamt upplifun stendur yfir í þrjár klukkustundir
  3. Mælt er með að borða vel fyrir viðburðinn
  4. Muna samt að pissa áður en þetta byrjar
  5. Tissjú verða í boði í salnum, einnig velkomið að koma með sín eigin - mælt með bæði fyrir þá sem munu gráta úr hlátri og þá sem munu gráta vegna yfirþyrmandi tilfinningaflóðs og uppljómunar eða bara fyrir þá sem eru með kvef.
  6. Símar eru ekki leyfilegir á meðan á upplifuninni stendur
  7. Allir áhorfendur eru skuldbundir að gæta fyllsta trúnaðar varðandi upplifunina sem fer fram á viðburðinum
  8. Bæði hægt að senda inn spurningu þegar þú kaupir miðann eða beint á netfangið alda@aldakarenh.com - fyllstum trúnaði gætt.
  9. Fyrir spurningar um miðasölu eða uppsetningu viðburðar vinsamlegast hafið samband við Concept Events hello@conceptevents.is 

Um Öldu Karen:

Alda Karen Hjaltalín er búsett í New York þar sem hún rekur ráðgjafastofu og fyrirtæki sem sérhæfir sig í sýndarveruleika lausnum fyrir andlega heilsu. Þar sem þau setja upp hugarræktunarstöðvar fyrir fyrirtæki til að hjálpa starfsmönnum að þjálfa hugann. Hún fyllti bæði Norðurljósasal og Eldborgarsal Hörpu með fyrirlestrum sínum um markaðssetningu, sölu og lífið sjálft og LIFE Masterclass I. Alda Karen var nýlega valinn fyrsti Íslendingurinn til að vera meðlimur í samtökunum Mastermind Talks sem eru samtök fyrir fyrirlesara og frumkvöðla sem eru að hafa áhrif á heiminn með nýjum og djörfum hugmyndum. Erfiðara er að komast inn í Mastermind Talks heldur en Harvard háskólann þar sem í Mastermind Talks er aðeins 0,04% líkur á að þú sért valinn í samtökin. Í samtökunum eru meðal annars Gary Vaynerchuck, Ester Pherel, Jayson Gaignard, Alex Ikonn, Dave Asprey, Tim Ferris, Ryan Holiday, Tucker Max, Joey Coleman og Didi Torev.  

“ Í þetta skiptið tölum við minna og byrjum að framkvæma og upplifa hvernig hugurinn þinn virkar” - AK