Um viðburðinn

Sunnudaginn 16. desember kl. 20.00 mun Gospelkór Jóns Vídalíns ásamt Vídalínskirkju halda jóla- og styrktartónleika í Vídalínskirkju.
Miðaverð er 2.000 kr og allur aðgangseyrir mun renna óskiptur til Minningarsjóðsins Örninn. Frítt inn fyrir börn 12 ára og yngri.

Gospelkórinn mun flytja bland af gömlu og nýju efni í glæsilegum útsetningum og halda uppi fjörinu ásamt hljómsveit undir stjórn Davíðs Sigurgeirssonar líkt og þeim einum er lagið.

Ekki missa af fjörugum tónleikum með glæsilegu tónlistarfólki og styrkja gott málefni í leiðinni.

Minningarsjóðurinn Örninn
Hvert er markmið sjóðsins:
Markmiðið er að auka tækifæri barna og unglinga til úrvinnslu eftir missi ástvinar. Farið er í sumarbúðir eina helgi á ári og svo eru fjórar samverur yfir vetrartímann í safnaðarheimili Vídalinskirkju.
Markmið sumarbúðarbúðanna er:
1. Skapa vettvang fyrir börn og unglinga að koma og segja sögu sína í öruggu umhverfi.
2. Vettvangur fyrir börn og unglinga að hitta önnur ungmenni sem eru í sömu sporum.
3. Staður þar sem unga fólkið lærir að búa til verkfæri til að takast á við daglegt líf.
4. Staður þar sem má líka hafa gaman saman.
5. Staður til að hjálpa unga fólkinu að nálgast sorgina á heilbrigðan máta.
6. Staður þar sem unga fólkið lærir að þau eru ekki ein
7. Staður þar sem þau fá tækifæri til að heiðra minningu látinna ástvina sinna.