Um viðburðinn

Jólatónleikar Hinsegin kórsins verða í Gamla Bíói þetta árið. 

Við ætlum að fara aðeins aðrar leiðir en við erum vön og verðum órafmögnuð í þetta skiptið. Efnisskráin er að venju fjölbreytt og skemmtileg. Við munum meðal annars frumflytja lag eftir kórstjórann okkar, syngja lag sem var sungið í konunglegu brúðkaupi, rifja upp lög sem við höfum flutt áður, syngja lög sem við höfum ekki flutt áður og krydda þetta allt með dassi af jólalögum.

Kórstjóri er Helga Margrét Marzellíusardóttir og píanóleikari er Vignir Þór Stefánsson.