Marína Ósk, söngur
Stína Ágústs, söngur
Mikael Máni Ásmundsson, gítar
Leifur Gunnarsson, bassi
Matthías M.D. Hemstock, trommur
Jazzsöngkonurnar Stína Ágústs og Marína Ósk leiða nú saman jazzlykkjur sínar í fyrsta sinn og efna til jazzjólatónleika. Efnisskráin inniheldur þekkt og minna þekkt jólalög frá Norðurlöndunum, bæði íslensk og erlend, í jazzskotnum útsetningum. Þær eru báðar búsettar í Stokkhólmi og þar sem hugurinn leitar oft heim um jólin hafa þær samið íslenska texta við erlendu lögin, en bæði Stína og Marína hafa gefið út jazzplötur á síðustu 3 árum með íslenskum textum eftir þær sjálfar.