Um viðburðinn

Hljómsveitin Lights on The Highway átti farsælan sprett í íslensku tónlistarlífi frá 2003 til 2012 en þá fór sveitin í langvarandi pásu þar sem meðlimir fóru að sinna öðrum verkefnum.

Á tímabilinu gaf sveitin út tvær breiðskífur, sú fyrri var skírð í höfuðið á sveitinni og kom hún út 2005 en seinni platan heitir Amanita Muscaria og kom út 2009. Sú seinni var tilnefnd sem plata ársins á íslensku tónlistarverðlaununum sama ár.

Mörg lög af þessum plötum ásamt öðrum náðu miklu flugi á öldum ljósvakanna og skal engan undra þar sem vandaðar lagasmíðir einkenndu útgáfur sveitarinnar.

Lights on The Highway hefur ávalt verið talin frábær tónleikasveit þar sem seiðandi tónlistar galdurinn er framkvæmdur af einstaklingum sem augljóslega ná að tengja sig saman á undarlegan en æðisgengin hátt. Þessi samvinna leysir úr læðingi kraft sem unaðslegt er að njóta í formi lifandi flutnings.

Lights on The Highway:

Söngur:                                 Kristófer Jensson

Gítar / Söngur:                 Agnar Eldberg Kofoed Hansen

Bassi:                                     Karl Daði Lúðvíksson

Trommur:                           Þórhallur Reynir Stefánsson

Hljómborð:                         Stefán Örn Gunnlaugsson

Lights on The Highway kom síðast saman 2015 ég hélt nokkra dúndur góða tónleika og nú þrem árum síðar er kominn tími til að telja í aðra umferð og er best að tryggja sér miða tímanlega.

Herlegheitin fara fram á Hard Rock 29 & 30 desember og má búast við húsfylli á báðum kvöldum.