Um viðburðinn

Þann 4. október næstkomandi ætlar Prins Póló að hoppa upp í flugvél, koma sér alla leið frá Berufirði til Reykjanesbæjar, og vera á trúnó í Hljómahöll. Prins Póló gaf nýverið út þriðju breiðskífu sína en platan ber heitið Þriðja kryddið. Á plötunni er að finna meðal annars slagarana Er of seint að fá sér kaffi núna?, Líf ertu að grínast? og Læda slæda. Áður hafði Prinsinn gefið út lög sem allir þekkja eins og Niðrá strönd, París Norðursins, Tipp Topp og fleiri.

Svavar Pétur leiðir kannski áhorfendur í sannleikann um hvernig Prins Póló varð til, hvernig bulsuræktin gengur, hvernig maður býr til sveitasnakk úr gulrófum og kartöflum, hvernig gengur að reka kaffihús, gistiheimili og tónleikastað í Berufirði. Hver veit?

Tónleikar Prins Póló fara fram í Bergi í Hljómahöll og hefjast stundvíslega klukkan 20:00. Húsið opnar 19:00.