Um viðburðinn

Ari Eldjárn: Áramótaskop

Aukasýningu hefur verið bætt við 26. des kl. 19:30!

Sýningartímar eru eftirfarandi:

26. des kl. 19:30 - AUKASÝNING
27. des kl. 19:30 og 22:00
28. des kl. 19:30 og 22:30
29. des kl. 17:00, 19:30 og 22:30
30. des kl. 17:00, 19:30 og 22:30

Ari Eldjárn blæs til glæsilegrar uppistandssýningar í Háskólabíói sem ber heitið Áramótaskop.

Þetta er þriðja árið sem þessi áramótasýning er haldin en í fyrra seldust allar sýningar upp og mættu um 8000 manns til að kveðja gamla árið með hlátrasköllum.

Ari er fyrir löngu orðinn einn allra vinsælasti uppistandari þjóðarinnar og hefur komið fram í sjónvarpsþáttum á borð við Comedy Allstars Supershow og Mock the Week, auk þess sem hann hefur í fjórgang tekið þátt í að skrifa Áramótaskaup Sjónvarpsins. Þá hefur sýning hans “Pardon My Icelandic” verið sýnd í Edinborg, London og Melbourne.  

Á sýningunni verður árið 2018 í forgrunni en auk þess verður víða komið við og allt milli himins og jarðar rætt. Hver og ein sýning er einstök og mun áherslan vera lögð á að kveðja árið með eftirminnilegum hætti.

Ekki missa af þessu einstaka Áramótaskopi!

Athugið breyttan sýningatíma frá því í fyrra! Fyrri sýningar hefjast klukkan 19:30