Tix.is

  • 28. sep. - Kl. 20:00
  • 05. okt. - Kl. 20:00
  • 06. okt. - Kl. 20:00
Miðaverð:6.750 kr.
Um viðburðinn

Þetta byrjar allt með myndaalbúmi sem sviðslistamaðurinn Friðgeir Einarsson keypti á flóamarkaði í Belgíu. Við þekkjum ekki fólkið á myndunum og það er ráðgáta af hverju albúmið var til sölu. Var því stolið? Týndist það? Var því kannski hent? Það eina sem við vitum er að belgísk kona fór í frí til Mallorca fyrir 40 árum, drakk sangría, fór á ströndina, sigldi á hjólabát og tók myndir af sér og vinkonu sinni.

Eftir tíu ára umhugsun hefur Friðgeir loks ákveðið að reyna að hafa uppi á réttmætum eiganda albúmsins og skila því. En þá þarf hann að leggjast í umfangsmikla rannsóknarvinnu, átta sig á tengslum persónanna á myndunum og hugsanlegum örlögum þeirra.

Í Club Romantica kynnir Friðgeir fólkið á myndunum fyrir áhorfendum, segir sögu þess og sviptir hulunni af því hvað varð um þessa belgísku konu. Í leiðinni veltir hann fyrir sér hvað verður um myndaalbúm og minningar okkar þegar við hverfum af sjónarsviðinu. Hver mun segja okkar sögu? Mun einhver muna eftir okkur eftir 40 ár? Með Friðgeiri á sviðinu verður tónlistarmaðurinn Snorri Helgason sem semur tónlist sérstaklega fyrir verkið.

Listrænir stjórnendur:
Höfundur: Friðgeir Einarsson
Leikstjórn: Pétur Ármansson
Tónlist: Snorri Helgason
Leikmynd og búningar: Brynja Björnsdóttir
Sviðshreyfingar: Ásrún Magnúsdóttir
Lýsing:  Ólafur Ágúst Stefánsson og Pálmi Jónsson
Hljóð: Baldvin Þór Magnússon

Framkvæmdarstjórn: Ragnheiður Maísól Sturludóttir

Flytjendur: Friðgeir Einarsson og Snorri Helgason

Í samstarfi við leikhópinn Abendshow