Um viðburðinn

LOKSINS LANDSMÓT! 

Landsmót hestamanna 2022 verður haldið á Rangárbökkum við Hellu í 3.-10. júlí 2022 þar sem Rangárbakkar munu duna af hófaslætti. Landsmót hestamanna er einn stærsti íþróttaviðburður og fjölskylduhátíð sem fram fer á Íslandi, en þar munu bestu knapar og hestar landsins etja kappi auk þess sem boðið verður upp á fjölbreyttra skemmtidagskrá fyrir allan aldur. 

Formlegri dagskrá Landsmóts hestamanna lýkur á laugardagskvöldinu 9. júlí en á sunnudeginum 10. júlí munu hrossaræktarbú á svæðinu bjóða heim. 

Landsmót hestamanna á Hellu 2022 verður það 24. í röðinni frá því það var fyrst haldið á Þingvöllum 1950. 

Þetta er viðburður sem enginn áhugamaður íslenska hestsins má láta framhjá sér fara og upplifa tilfinninguna að hafa frelsi í faxins hvin! 

Nánari upplýsingar um viðburðinn má finna á www.landsmot.is 

Þar sem fjöldinn er þar er fjörið - sjáumst á Hellu á Landsmóti hestamanna!

Hér fyrir neðan má sjá mynd af hjólahýsasvæðinu. Miði á tjaldsvæðið gildir fyrir alla vikuna.