Lay Low heimsótti Havarí fyrst sumarið 2017 og hélt þar ógleymanlega tónleika. Það er því með mikilli ánægju sem við tilkynnum að hún ætlar að heimasækja okkur aftur og nú á Regnbogahátíð Havarí og Pink Iceland þann 14. júlí. Lay Low spratt fram á sjónarsviðið árið 2006 og á augabragði heillaði hún þjóðina upp úr skónum með sínum einstaka sjarma og þroskuðum lagasmíðum. Síðan þá hefur hún fylgt okkur sem einn fremsti blús-, folk- og rokklistamaður þjóðarinnar. Það er gríðarlega dýrmætt fyrir okkur að fá Lay Low í Havarí og öruggt mál að áhorfendur eiga magnaða kvöldstund í vændum.
Tónleikar eru hluti af Regnbogahátíð Havarí og Pink Iceland. Komdu og fagnaðu með okkur litskrúðugu lífi helgina 12 - 14. júlí.
Nánar á havari.is
18 ára og yngri þurfa að vera í fylgd með fullorðnum.