Um viðburðinn

Þann 12. október mun hljómsveitin 13 tungl halda sína fyrstu tónleika í Eldborgarsal Hörpu. Hrólfur Jónsson söngvari hljómsveitarinnar hefur um árabil unnið að eigin laga- og textasmíðum og verða á tónleikunum flutt lög eftir hann, Ragnar Jón Hrólfsson og Kristján Kristjánsson, betur þekktan sem KK, sem einnig er einn af gestum tónleikanna. Í hljómsveitinni eru auk þess úrvals tónlistarfólk, Ástvaldur Traustason, Daníel Friðrik Böðvarsson, Ingólfur Magnússon, Ragnar Jón Hrólfsson, Rósa Guðrún Sveinsdóttir, Unnur Birna Björnsdóttir, Vigga Ásgeirsdóttir og Þorvaldur Ingveldarson. Auk þeirra munu þekktir íslenskir tónlistarmenn stíga á svið þetta kvöld, en það eru Ingveldur Ýr Jónsdóttir, Jakob Frímann Magnússon og KK, ásamt Karlakórnum Þröstum.

Búast má við fjölbreyttri tónlistarveislu með einlægri og ljúfri tónlist í vönduðum flutningi valinkunnra listamanna. Sannarlega má lofa notalegri og skemmtilegri kvöldstund.

Nánari upplýsingar um tónleikana og tónlistarmennina má finna á facebook síðu tónleikanna sem heitir Reykjavíkurspil.