Fimleikar
Dagana 5.- 8. apríl verður glæsileg fimleikaveisla í Laugardalshöll.
Þann 5. apríl keppir okkar besta hópfimleikafólk um Íslandsmeistaratitilinn og verður spennandi að sjá hvort kvennaliði Stjörnunnar tekst að endurheimta Íslandsmeistaratitilinn.
Í áhaldafimleikum má búast við spennandi keppni þar sem allt okkar besta fimleikafólk er í toppformi, enda eitt stærsta landsliðasumar aldarinnar framundan.
Í karlaflokki verður gaman að sjá hvort strákarnir sem hafa tekið miklum framförum nái að velta Valgarð, núverandi Íslandsmeistara, úr toppsætinu.
Keppt verður í fjölþraut laugardaginn 7. apríl og í úrslitum á einstökum áhöldum 8. apríl en þar má búast við flugeldasýningu þar sem „allt eða ekkert“ viðhorfið er allsráðandi.
Fimmtudagur - Íslandsmót í hópfimleikum
Laugardagur - Fjölþraut í áhaldafimleikum
Sunnudagur - Úrslit á einstökum áhöldum í áhaldafimleikum