Um viðburðinn

Þann 10. mars 1988 kom Sálin hans Jóns míns fram í fyrsta skipti, í Bíókjallaranum, undir Tunglinu við Lækjargötu, hvar áður hét Nýja bíó. Í tilefni þess að 30 ár eru um liðin boða Sálverjar til fagnaðar á sjálfan afmælisdaginn, 10. mars n.k. 

Á langri leið má segja að hljómsveitinni hafi tekist að fikra sig úr kjallara yfir í höll, því fögnuðurinn verður að Hlíðarenda, hvar nú stendur Valshöllin. 

Verður þar vitaskuld öllu til tjaldað hvað tæknibúnað snertir. Sálin mun njóta fulltingis blásara og flytur að sjálfsögðu öll sín þekktustu lög. Þá má eiga von á leynigestum. 

Valshöllin opnar kl. 22 og afmælisbörnin stíga á svið kl. 23:30. Gleðilega hátíð! 

Aldurstakmark: 18 ár.