Um viðburðinn

Tónlistarhátíðin Berjadagar 17.-19. ágúst

Berjadagar er þriggja daga klassísk tónlistarhátíð í Ólafsfirði. Hátíðin býður uppá dagskrá fyrir alla aldurshópa og er aðgangur ókeypis fyrir 18 ára og yngri á alla viðburði nema í lokahófið í Tjarnarborg.

Söngtónleikarnir „Líttu sérhvert sólarlag“ fara fram í Ólafsfjarðarkirkju þann 17. ágúst og kammertónleikarnir „Reimleikar í kirkjunni“ þann 18. ágúst. Auk þess er boðið upp á daglega viðburði. Meðal annars kemur Stelpurófan til að rappa fyrir börn og unglinga á laugardeginum. Klykkt er út með Berjamessu og gönguferð sunnudaginn 20. ágúst.

Lokatónleikarnir og hápunktur hátíðarinnar „Tapas og tónlist“ verða í Menningarhúsinu Tjarnarborg laugardagskvöldið 19. ágúst þar sem boðið er upp á tapasrétti og vínsmökkun. Undir borðhaldi kemur Bjarni Frímann Bjarnason fram ásamt glæsilegum hópi tónlistarmanna og söngvara; Hönnu Þóru Guðbrandsdóttur sópran, Þorsteini Frey Sigurðssyni tenór og Margréti Hrafnsdóttur sópran. Sérstakur gestur hátíðarinnar að þessu sinni er þýska söngkonan Frédérique Friess. Aðrir sem koma fram er Þorvaldur Már Guðmundsson gítar, Ólöf Sigursveinsdóttir selló, Hulda Jónsdóttir fiðla, Ave Kara Sillaots harmónikka. Veislustjóri er Eyjólfur Eyjólfsson tenór og fagurkeri!

Hátíðarpassinn veitir aðgang að öllum tónleikum og viðburðum en miðaverð á staka viðburði er:

„Líttu sérhvert sólarlag“ 3000 kr./ókeypis fyrir 18 ára og yngri

„Reimleikar í kirkjunni“ 3000 kr./ókeypis fyrir 18 ára og yngri

“Tapas og tónlist í Tjarnarborg“, veitingar innifaldar: 6500 kr./1500 kr. 18 ára og yngri.

Nánari upplýsingar

Facebook