Norræna húsið – Black Box (á neðri hæð) 31. mars. kl.17-19.
Miðaverð 1100. kr. Miðasala á www.tix.is Viðburðurinn er aðeins fyrir fullorðna SKAM aðdáendur. Innifalið í miðaverði er aðgangur, vínglas/bjór/óáfengur drykkur og snarl. Aalto Bistro verður með barinn á Happy hour i Black Box auk þess sem veitingarstaðurinn er opinn til 21:30.
Hvað er málið með SKAM? er yfirskrift viðburðarins. Við fáum til okkar aðdáendur og sérfræðinga, stillum upp spennandi pallborði, horfum á vel valdar klippur, ræðum, pælum og skemmtum okkur. Dj Sunna Ben þeytir skífum með lögum úr þáttunum.
PallborðAnna Sigríður Þráinsdóttir málfarsráðunautur RÚV og Anna Gyða Sigurgísladóttir dagskrárgerðarmaður á RÚV og sjónvarpsgagnrýnir og dagskrágerðarmaður á RÚV, Nína Richter, Stella Soffía Jóhannesdóttir verkefnastjóri útgáfu hjá Forlaginu og Ritari Samfylkingarinnar, Óskar Steinn Jónínuson Ómarsson.
Umræða fer fram á íslensku (með smá norskuslettum). Sýndar verða vel valdar stiklur úr þáttunum ásamt fleiru sem ávarpar þema kvöldsins sem er Hva er greia med SKAM, liksom?
SKAM festivalið er skipulagt í samstarfi við Norska Sendiráðið í Reykjavík.
Hátíðin hefst fimmtudaginn 30. mars með viðburði fyrir unga aðdáendur þáttarins sem ber heitið ÉG ELSKA SKAM! Viðburðurinn er skipulagður af Kosegruppa og inniheldur standlaust fjör frá kl. 19.-21.30. Á föstudeginum 31. mars verður stemningin önnur með pallborðsumræðum og Happy hour AALTO Bistro fyrir eldri áhorfendahóp SKAM, enda þátturinn þekktur fyrir að eiga aðdáendur á öllum aldri.
Helgina 1.-2. apríl býður Norræna húsið upp á SKAM-maraþon á stóra skjánum í Aðalsal hússins í notalegu umhverfi og með ókeypis aðgangi.