Um viðburðinn

Nú gefst tækifæri til að sjá og heyra Helga Hrafn Jónsson á sviði á Íslandi. Hann hefur haldið sig á hliðarlínunni í íslensku tónlistarlífi en ferðast vítt og breitt um heiminn, bæði með eigin tónlist og ásamt eiginkonu sinni, Tinu Dickow. Helgi hefur nýlega lokið við fjórðu breiðskífu sína og mun í apríl hefja tónleikaferð í hinu virta Thalia Theater í Hamborg.

Áður en lagt verður af stað koma þau Dennis Ahlgren og Marianne Lewandowski til liðs við Helga og Tinu í Kaldalóni Hörpu.