Tix.is

  • 04. maí - Kl. 20:00
Miðaverð:5.990 - 11.990 kr.
Um viðburðinn

Michael McIntyre er einn af stærstu uppistöndurum heims og nú loksins fá Íslendingar að berja hann augum í Laugardalshöllinni þann 4. maí!

Sýningin Showtime varð að langstærsta uppistandstúr 2012 þar sem hann náði m.a. að slá met Rihönnu fyrir fjölda miða selda í O2 leikvöllinn en hvorki meira né minna en 640.000 áhorfendur mættu. Næsta sýning hans, Happy & Glorious, fékk einnig frábærar viðtökur og var hún t.a.m. tilnefnd til Billboard Touring Awards þar sem samkeppnin lá milli hans og stórnúmeranna Amy Schumer og Kevin Hart.

McIntyre hefur margoft fengið tilnefningar fyrir framkomu sína, meðal annars hefur hann tvisvar verið tilnefndur til BAFTA verðlauna. Michael hefur alloft farið heim með verðlaunagripi, þar af tvenn British Comedy verðlaun, tvenn Chortle verðlaun og National Television verðlaun. Síðustu ár hefur hann ferðast um allan heim með sýningar sínar við mikinn fögnuð; sýning hans í Jóhennesarborg varð til að mynda stærsta uppistandsýning Afríku fyrr og síðar og hann vann Time Out verðlaun fyrir sýningu sína í Dubai.

McIntyre hefur undanfarið einbeitt sér að sjónvarpi og heldur úti vinsælum spjallþáttum á BBC One auk þess sem hann tók við af Simon Cowell í Britain‘s Got Talent árið 2011. Sýningar hans hafa mokselst á DVD og árið 2009 setti hann met (sem stendur enn) í sölu á uppistandi á DVD í Bretlandi.

Maðurinn er einfaldlega sprenghlægilegur frá toppi til táar.
– The Telegraph (5 af 5 stjörnum)

Nú mætir hann til Íslands með glænýtt efni í tilefni af The Big World Tour, sýninguna sem hefur slegið rækilega í gegn víða um heim. Hér er eintakt tækifæri til að upplifa eitt besta uppistand dagsins í dag - enginn með hláturtaugar ætti að láta þetta fram hjá sér fara!

Eingöngu er selt í númeruð sæti og eru verðsvæðin eru sem hér segir:

A+ svæði:      11.990 kr. (appelsínugult)
A svæði:         9.990 kr. (rautt)
B svæði:         8.990 kr. (blátt)
C svæði:         5.990 kr. (grænt)

Sjá mynd af sal hér

Umsjón: Sena Live