Um viðburðinn

Í aðdraganda jóla halda Skoppa og Skrítla mikla hátíð til að bjóða sjálfan jólasveininn velkominn til byggða. Hann kemur til að aðstoða þær við að fagna hátíð ljóss og friðar og útbúa gjafir fyrir alla góðu vinina og vinkonurnar. Þegar undirbúningur hátíðarinnar stendur sem hæst banka óvæntir gestir upp á. Jólasveinninn er í stökustu vandræðum. Nú reynir á hversu úrræðagóðar Skoppa og Skrítla eru...

Vinkonurnar snúa loksins aftur á leiksviðið. Nú í Austurbæ.

Þessi geysivinsæla sýning var frumsýnd í nóvember 2013. Um tíuþúsund manns sáu sýninguna þá en mun færri komust að en vildu. Nú gefst aftur kostur á að sjá þessa geysivinsælu sýningu. Fátt notalegra en að eiga saman ljúfa og káta aðventustund í leikhúsinu með yngstu áhorfendunum.

Tólf leikandi og syngjandi börn taka þátt í uppfærslunni með Skoppu og Skrítlu ásamt Bakara Svakara, Lúsí og Zúmma sem láta sig auðvitað ekki vanta.

Töfrandi jólastund sem engin fjölskylda má missa af. Tryggið ykkur miða strax því aðeins örfáar sýningar eru í boði. Sýningin er klukkutími. Ekkert hlé.

Sýningin er ætluð börnum 1. árs og eldri og því þarf að kaupa miða fyrir börn 1.árs og eldri.

„Litríkir boðberar kærleika og gleði“ – SG, Mbl, 2013

„Framlag Skoppu og Skrítlu til barnamenningar er bæði þarft og kærkomið“ – HL, Mbl, 2007

„Skoppa og Skrítla eru bestu vinir yngstu barnanna og það er ekki nema von. Þær skilja hvað þau vilja og gefa þeim það í formi tónlistar, gleði og hláturs“ – HL, Mbl, 2007

„Til að kóróna allt saman virtust þær Skoppa og Skrítla ná að tala við hvert einasta barn á sýningunni“ – IML, Mbl, 2005

Leikstjórn: Þórhallur Sigurðsson