Um viðburðinn

Tökur halda áfram á The Voice Ísland.

Einvígin eru hafin en þá takast tveir söngvarar á í einu og sama laginu og sá sem syngur betur heldur áfram. Það er því erfitt val hjá þjálfurunum en þjálfarateymið skipa Helgi Björnsson, Unnsteinn Manuel, Salka Sól og Svala Björgvins.

Í þáttaröðinni The Voice Ísland er verið að leita að bestu söngröddinni en ólíkt öðrum sambærilegum keppnum er búið að velja þátttakendur fyrirfram til að tryggja sem besta keppni. Þátturinn var fyrst sýndur í Hollandi árið 2010 og hefur síðan þá verið endurgerður í öllum heimshornum. Ísland verður 61. landið sem gerir sína eigin útgáfu.

Keppnin er haldin í myndveri Atlantic Studios, stærsta myndveri landsins, sem staðsett er á gamla varnarliðssvæðinu á Ásbrú í Reykjanesbæ. Myndverið er fyrsta flokks, 2.200 fermetrar að stærð og með fyrirtaks aðstöðu fyrir aðstandendur þátttakenda, fleiri hundruð áhorfendur og allan undirbúning.

12 ára aldurstakmark