Um viðburðinn

Hver er framtíð Íslands sem tengipunktur milli Norður-Ameríku og Evrópu?

Hvernig verður atvinnusvæðið Reykjavík árið 2040? Hvaða áhrif hefur ný tækni á flutninga til og frá Íslandi til framtíðar? Þessum og fleiri spurningum verður leitast við að svara á árlegu viðskiptaráðstefnunni Flutningalandið Ísland, sem er vettvangur þeirra sem starfa í flutningum og samgöngum og atvinnugreinum í innflutningi og útflutningi hér á landi. Á ráðstefnunni, sem nú er haldin í þriðja sinn, eru leiddir saman leiðtogar, stjórnendur og aðrir sérfræðingar til að ræða, fræðast um og móta þá framtíð sem blasir við íslensku atvinnulífi með tilliti til flutninga og innviða þeirra.