Tix.is

  • 26. des. - Kl. 13:00
Miðaverð:2.950 kr.
Um viðburðinn

Einar er alltaf einn á jólunum en honum leiðist aldrei!

LITRÍK OG FALLEG JÓLASÝNING FYRIR YNGSTU ÁHORFENDURNA

Einar er alltaf einn. Líka á jólunum. En Einari leiðist aldrei. Hann finnur alltaf upp á einhverju til að gera einveruna áhugaverða. Kryddstaukar verða að hljóðfærum og baunadósir dansa. En hann er mikill klaufabárður. Honum er til dæmis lífsins ómögulegt að elda jólasteikina án þess að umturna íbúðinni eða skreyta jólatréð án þess að vefja ljósaseríunni utan um sjálfan sig og festa sig við tréð. Hjá honum er alltaf allt í steik. Jólasteik. 

Bergur Þór Ingólfsson hefur sett upp vinsælar og margverðlaunaðar barna- og fjölskyldusýningar eins og Horn á höfði, Galdrakarlinn í Oz, Mary Poppins, Billy Elliot, Hamlet litla og Bláa hnöttinn. Í tuttugu ár hefur hann verið á bakvið nefið á trúðnum Úlfari en hér stekkur hann fram með nýja persónu, klaufabárðinn Einar. Bráðfyndin fjölskyldusýning án orða á jólaföstunni.

Höfundur: Bergur Þór Ingólfsson
 Leikstjórn: Bergur Þór Ingólfsson

Leikmynd og búningar: Móeiður Helgadóttir
Lýsing: Garðar Borgþórsson
Tónlist: Garðar Borgþórsson

Leikari: Bergur Þór Ingólfsson