Um viðburðinn

DAGSKRÁ KVÖLDSINS:
19.30 - Salur opnar
20.00 - Greta Salóme
20.15 - Joss Stone
21.30 - Áætluð lok.

ATH: Ekkert hlé. Dagskrá getur breyst eða riðlast.

Þessi stórkostlega söngkona, Grammy og Brit verðlaunahafi, er á leiðinni til Íslands ásamt magnaðri hljómsveit og heldur glæsilega tónleika í Eldborg, þann 30. október. Það er engin önnur en okkar eina sanna Greta Salóme sem hitar upp.

Stone hefur verið á bólakafi í tónlist allt sitt líf. Hún vann hæfileikakeppnina A Star for a Night á BBC aðeins 13 ára gömul og samdi við eitt stærsta útgáfufyrirtæki heims 15 ára. Hún hefur selt yfir 12 milljón plötur á heimsvísu og velgengi hennar hefur rutt brautina fyrir nýja kynslóð af breskum sálarsöngkonum.

Frumsmíðin, The Soul Sessions, kom út árið 2003 og sló í gegn. Næsta plata, Mind Body & Soul, innihélt risasmellinn You Had Me. Síðan þá hefur hún rakað til sín tilnefningum og verðlaunum og unnið m.a. til tveggja BRIT verðlauna og GRAMMY verðlaun.

Joss Stone hefur komið fram með fjölmörgum goðsögnum og súperstjörnum, svo sem Rod Steward, James Brown, Van Morrison, Jeff Beck, Robbie Williams, LeAnn Rimes, Lauryn Hill, Blondie og Ricky Martin. Og hún var í hljómsveitinni Superheavy ásamt Mick Jagger. Hún þreytti frumraun sína á leiklistarviðinu árið 2006 í ævintýramyndinni Eragon og lék í kjölfarið í þáttaröðinni The Tudors á Showtime.

Nýja platan, Water for Your Soul, sýnir þroskaferli listakonunnar en þar slær hún reggí-taktinn með dáleiðandi áhrifum hip hops og framandi R‘n‘B blöndu.

Á tónleikunum í Hörpu mun Stone flytja lög af nýju plötunni í bland við helstu smelli. Ljóst er að um einstakan tónlistarviðburð er að ræða.

Verðsvæðin eru fimm:
Verðsvæði A: 12.990 kr ( rautt)
Verðsvæði B: 10.990 kr ( blátt )
Verðsvæði C: 8.990 kr ( grænt )
Verðsvæði D: 6.990 kr ( gult )
Verðsvæði X: 14:990 kr ( fjólublátt ) - Þessum miðum fylgir aðgangur í VIP partý með Joss Stone eftir tónleikana