Tix.is

Um viðburðinn

Sumarnámskeið 2017

Sumarnámskeið eru haldin á vegum skólans frá miðjum júní og fram í júlí. Námskeiðin eru ætluð börnum á aldrinum 8-13 ára og er aldursskipt í hópana.

Athugið að yngstu þátttakendurnir þurfta að hafa lokið 2. bekk í grunnskóla þ.e. fæddir árið 2009

Hvert námskeið stendur yfir í fimm daga og er leiksýning fyrir aðstandendur og vini á lokadegi hvers námskeiðs.

Á námskeiðinu eru kennd undirstöðuatriði í einbeitingu, trausti, raddbeitingu og leikgleði. Unnið er markvisst að því að virkja sköpunarkraft nemenda og að efla sjálfstraust þeirra. Nemendur syngja og dansa en megin áherslan er á leiklist. Opið hús verður fyrir foreldra og aðstandendur hvern föstudag kl. 15:00 þar sem börnin sýna afrakstur námskeiðsins.

Kennslan fer fram í Borgarleikhúsinu og að venju munu einungis fagmenntaðir kennarar sjá um kennslu. Hvert námskeið er í fimm daga og er unnið frá kl. 10:00–16:00. Nemendur skulu hafa með sér tvöfalt nesti - Hádegis og eftirmiðdags hressingu. Hægt er að fá gæslu frá kl. 9:00 sem kostar 2.500 kr. fyrir vikuna.

Námskeiðstímabil sumarið 2017
12.-16. júní
19.-23. júní
26.-30. júní
3.-7. júlí
10.-14. júlí

Skráning og verð

Skráning á námskeiðin fer fram eftir 1. apríl í miðasölu Borgarleikhússins í síma 568-8000 eða í síma 568-5500 (eftir að starfsfólk miðasölu fer í sumarfrí seinnipartinn í júní). Takmarkaður fjöldi nemenda er á hvert námskeið. Þátttökugjald er 39.700 kr. og ganga þarf frá greiðslu við skráningu. Tekið er við debet- og kreditkortum og hægt er að greiða í gegnum síma.