Um viðburðinn

Mið-Ísland er á leiðinni í Hljómahöll með glænýtt uppistand. Meðlimir Mið-Íslands eru þeir Ari Eldjárn, Bergur Ebbi, Björn Bragi, Dóri DNA og Jóhann Alfreð og munu þeir allir koma fram á sýningunni í Hljómahöll. Nýja uppistandssýningin var frumsýnd í Þjóðleikhúskjallaranum í byrjun janúar 2016 og hefur hún fengið frábærar viðtökur. Hér eru nokkur ummæli gesta:

„Besta sýning þeirra til þessa.“
Steindi Jr, grínisti

„Ég var ennþá hlæjandi þremur dögum eftir sýninguna.“
Ása Ninna Pétursdóttir, eigandi GK Reykjavík

„Grínveisla á heimsmælikvarða!“
Kolbrún Pálína Helgadóttir, markaðsstjóri og fjölmiðlakona

„Að fara á Mið-Ísland er highlight á hverju ári hjá mér.“
Hrafn Jónsson, pistlahöfundur

Síðasta sýning hópsins, Lengi lifi Mið-Ísland, sló eftirminnilega í gegn og var sýnd yfir 60 sinnum, meðal annars fyrir fullu húsi í Hljómahöll. Lokasýningin var svo kvikmynduð og sýnd á Rúv um áramótin. Athugið að í nýju sýningunni eru strákarnir með glænýtt efni.

Sýningar Mið-Íslands í Þjóðleikhúsinu eru vinsælustu uppistandssýningar Íslands frá upphafi en undanfarin þrjú ár hafa yfir 180 sýningar farið fram og hafa yfir 35 þúsund áhorfendur mætt og hlegið sig máttlausa.