Um viðburðinn

DAGSKRÁ ÍMARK dagurinn

12:00 Húsið opnar

12:30 Dagskra hefst

Formaður ÍMARK og fundastjóri- inngangur og vangavelturr

12:45 – 13:15 ÁRAN — Árangursríkasta auglýsingaherferðin 2023

Lúðraafhending ÁRU og kynning vinningshafa á árangusríkustu auglýsingu ársins.

13:15 – 13:45 Markaðskönnun Maskínu

Við verðlaunum og kynnum auglýsingastofu ársins og vörumerki ársins. Ólafur Þór Gylfason hjá Maskínu fer yfir markaðskönnun og álit stjórnenda markaðsmála á Íslandi.

13:45 – 14:45 Að ná til 55+ markhópsins – Kevin Chesters

Vissir þú að Jackie Chan og Angela Merkel eru jafnaldrar? Þau eru fædd árið 1954 og verða því bæði sjötug á árinu.

Efnaðasti markhópur heims er fólk á aldrinum 55 ára og eldri. Þrátt fyrir það verja fyrirtæki aðeins um 5% auglýsingafjár í að tala til þessa fólks — eða öllu heldur, að tala niður til þessa fólks, þar sem efninu hættir til að vera uppfullt af yfirlæti og klisjum.

Algeng mistök eru að hugsa um þennan hóp sem einsleitt og óljóst samansafn „eldri borgara“ með sama bakgrunn og svipuð áhugamál. Með þessum þankagangi fara stór markaðstækifæri í súginn og Kevin Chesters ætlar að fjalla um það í fyrirlestri sínum hvernig hægt er að snúa þessu við og hreyfa við þessum vannýtta markhópi.

Chesters hefur leitt strategíska markaðsvinnu fyrir fjölda auglýsingastofa og vörumerkja í meira en 25 ár. Hann hefur unnið fyrir W+K í London, Saatchi & Saatchi, British Telecom og hefur undanfarið gegnt stöðu CSO hjá Ogilvy. Hann er afkastamikill greinandi og hefur haldið fyrirlestra um markaðsmál um allan heim. Þá er hann einnig höfundur metsölubókarinnar The Creative Nudge, sem kom út árið 2021.

14:45 – 15:15– Kaffi og tengsl

15:15 – 16:15- Náðu samkeppnisforskoit með skapandi hugsun-Fernando Machado 

Við lifum á tímum þar sem tækni og miðlar þróast ört. Vörumerki reyna að ná athygli fjöldans, sem neytendur upplifa í vaxandi mæli sem suð og hávaða. En hvaða markmiðum gætu vörumerki náð ef markaðsfólk liti á skapandi hugsun sem samkeppnisforskot?

Fernando Machado, fyrrum markaðsstjóri Burger King, Activision Blizzard og NotCo, trúir því að hugmyndaríkt og skapandi markaðsstarf sé grunnurinn að samkeppnisforskoti. Fernando deilir leiðum til að framleiða efni sem sker sig frá fjöldanum og fjallar um það hvernig það skapar virði fyrir vörumerki og hagnað fyrirtækja. Í þeim heimi sem við lifum í er ekki einungis gaman að hafa sérstöðu, heldur er það beinlínis forsenda þess að vörumerki lifi af.

Þessi fyrirlestur er einstakt tækifæri til þess að sjá dæmi um það hvernig vörumerki hafa náð undraverðum árangri gegn stórum keppinautum með skapandi hugsun að vopni.

16:15 Ráðstefnulok

DAGSKRÁ Lúðursins

17:30 – 18:30 Fordrykkur

18:30 – 20:00 Verðlaunaafhending Lúðursins 2024

Kynnar Birna Rún og Vilhelm Neto