Um viðburðinn

Tom Winpenny er aðstoðartónlistarstjóri við St Albans dómkirkjuna í
Bretlandi, þar sem skyldur hans eru meðal annars að leika við daglegt
helgihald og stjórna stúlknakór dómkirkjunnar. Hann lærði á orgel við King's
College, Cambridge, þar sem hann lék tvisvar við Festival of Nine Lessons
and Carols sem er útvarpað á alþjóðavettvangi. Í kjölfarið varð hann
aðstoðarorganisti við St. Paul's dómkirkjuna í London, þar sem hann lék við
marga stóra viðburði. Hann hefur komið reglulega fram í BBC Radio og einnig
komið fram á Pipedreams American Public Media. Undanfarin ár hefur hann
komið fram á tónleikum um alla Evrópu, Bandaríkin og Bretland þar á meðal
Mariendom í Hamborg, Kalmar dómkirkjunni (Svíþjóð), Grace dómkirkjunni
(San Francisco) og Westminster dómkirkjunni (London). Hann kemur meðal
annars fram á tónleikum árið 2023 í dómkirkju heilags Stefáns í Vín og
Summartónar-hátíðinni í Færeyjum.
Margar orgelupptökur hans innihalda tónlist breskra tónskálda, þar á meðal
Judith Bingham, Malcolm Williamson, John Joubert, Elisabeth Lutyens og
stórkostlega orgelsinfóníu Francis Potts Christus. Fyrir Naxos hefur hann
hljóðritað fimm af stóru orgelverkum Olivier Messiaen, þar á meðal
Méditations sur le Mystère de la Sainte Trinité á orgel Hallgrímskirkju. Nýjasta
útgáfa hans, tónlist eftir Edward Elgar, var valin sem Critic's Choice í
Gramophone tímaritinu. Upptökur hans hjá útgáfufyrirtækinu Naxos sem
kórstjóri innihalda meðal annars trúarlega tónlist eftir Felix Mendelssohn og
Michael Haydn.