Um viðburðinn

Miðarnir ruku út á Hátíð hirðarinnar: Afmælistónleika Prins Póló sem
haldnir verða 26. apríl í Gamla bíó og er nú orðið uppselt. Hirðin hefur
því ákveðið að blása til AUKATÓNLEIKA 27. apríl. Eins og gengur geta
ekki allir listamenn verið með á seinni tónleikunum, en örvæntið ekki,
því Hirðin er stór og inn koma:

MUGISON, LAY LOW og SIGRÍÐUR THORLACIUS & ÓMAR GUÐJÓNSSON. Kynnar:
leikhópurinn KRIÐPLEIR

Allur ágóði af tónleikunum rennur í nýstofnaðan minningarsjóð Svavars
Péturs Eysteinssonar. Útdeilt verður úr sjóðnum árlega, til skapandi
fólks með góðar hugmyndir.

Fjölmargar hljómsveitir og tónlistarfólk koma fram og spila nokkur lög
til heiðurs Svavari Pétri. Á dagskránni eru hljómsveitir sem tengdust
listamanninum með einum eða öðrum hætti; sveitir sem hann var í og
tónlistarfólk sem hann starfaði með eða vakti aðdáun hans.

Tónleikarnir eru haldnir í samstarfi við RÚV og Borg brugghús.

„Svavar Pétur var einstakur listamaður sem hafði mikil áhrif á okkur
öll. Hann var alltaf hvetjandi og drífandi. Nennti ekki að velta sér upp
úr hlutunum og hafði mikla þörf til að láta galdurinn gerast. Í þessum
anda langar okkur að minnast hans og blása í lúðra á afmælisdegi hans.“

Fram koma:

Benni Hemm Hemm
Borko
BSÍ
Dr. Gunni
FM Belfast
Jónas Sigurðsson
Lay Low
Moses Hightower
Mugison
Múldýrið (DJ sett)
Múm
Músíkvatur
Sigríður Thorlacius & Ómar Guðjónsson
Skakkamanage
Valdimar

Kynnar: Leikhópurinn Kriðpleir