Um viðburðinn

Friðrik Dór blæs til tónleika í Háskólabíó föstudaginn 16. júní 2023. Á boðstólnum verða allir hans gömlu smellir sem við elskum og dáum í bland við nýtt og óútgefið efni. Áhorfendur munu fá að sjá áður óþekkta hlið á tónlistarmanninum. Þetta er því viðburður sem engin ætlar að missa af.

Friðrik Dór er einn ástsælasti söngvari okkar íslendinga. Lögin “Hlið við hlið”, “Skál fyrir þér” og “Í síðasta skiptið” eru löngu orðin staðalbúnaður í allar góðar veislur. Friðrik hefur frá árinu 2009 gefið út poppaða tónlist með sterkum r&b áhrifum við góðar undirtektir aðdáenda. Friðrik Dór á að baki sér fjórar breiðskífur sem hafa allar slegið í gegn og á söngvarinn en nóg inni.

Við hlökkum til að sjá þig í Háskólabíó í júní.