Um viðburðinn

Verðlaunabandið Kvikindi slær upp tónleikaveislu á Húrra 10. Mars!

Rafpopphljómsveitin Kvikindi heldur langþráða útgáfutónleika og fagnar plötu sinni Ungfrú Ísland. Þau lofa dansi fyrir allan peninginn, sjónarspili með konfettí og sínu margrómaða rafpoppi sem gagnrýnendur þreytast ekki á að lofsyngja.

Brynhildur Karlsdóttir erkipönkari og Friðrik Margrétar- Guðmundsson óperuskáld stofnuðu Kvikindi árið 2019. Stuttu síðar slóst Valgeir Skorri Vernharðsson heimstrommari með í för og gáfu þau út sína fyrstu breiðskífu, Ungfrú Ísland, í fyrra. Með þeim á sviði verða Árni Freyr gítarleikari og dansararnir Álfheiður Karlsdóttir og Hugi Einarsson.

Missið ekki af stærstu tónleikum Kvikindis til þessa!