Um viðburðinn

Venus Í Feldi
eftir David Ives

Tómas Novachek, leikstjóri og leikskáld, hefur átt erfiðan dag. Áheyrnarprufurnar fyrir aðlögun hans á hinni þýsku sadó-masókísku skáldsögu, Venus in Furs, hafa gengið hræðilega þar til Vanda, ýtin og þrjósk leikkona, skjögrar inn á gólf til hans. Þótt hún beri sama nafn og aðalsöguhetjan skortir Vöndu fágun hennar. En þegar Tómas fellst á að leyfa Vöndu að prófa hlutverkið sýnir hún óvæntan skilning á efniviðnum. Á meðan samlestri þeirra stendur verða samskiptin spennuþrungin og erótísk, og skilin milli skáldskapar og veruleika verða óljósari.
     
Þetta heillandi leikrit David Ives spyr spurninga um undirgefni, drottnun og völd í snörpum og spennandi texta. Það var frumsýnt á Broadway árið 2011 og samnefnd kvikmynd Romans Polanski frá 2013 var tilnefnd til fimm César verðlauna árið 2014.                                  

Framleiðsla: Edda Productions
Þýðing: Stefán Már Magnússon
Leikstjórn: Edda Björg Eyjólfsdóttir
Leikarar: Sara Dögg Ásgeirsdóttir og Sveinn Ólafur Gunnarsson
Dramatúrg, aðstoð við þýðingu og leikstjórn: Hafliði Arngrímsson
Leikmynd: Brynja Björnsdóttir
Búningar: María Ólafsdóttir
Ljósahönnun: Ólafur Ágúst Stefánsson
Tónlist og hljóðmynd: Halldór Eldjárn
Hönnun plaggats: Helga Gerður Magnúsdóttir
Ljósmynd: Ari Magg