Um viðburðinn

UPPLÝSINGAR UM ALLAR MIÐATÝPUR HÉR
DAGSKRÁ ÁRSINS HÉR

HÁTÍÐIN FER FRAM 2. - 4. NÓVEMBER
RÁÐSTEFNAN FER FRAM 2. OG 3. NÓVEMBER

Iceland Airwaves er íslensk tónlistarhátíð með yfir 20 ára sögu sem hóf göngu sína í flugskýli um síðustu aldamót og hefur þróast í að vera ein mikilvægasta tónlistarhátíð Íslendinga á hverju ári. Í nóvember ár hvert fyllist Reykjavík af lífi og tónlist í hverjum krók og kima þar sem upprennandi íslenskir listamenn og alþjóðlegar stórstjörnur koma fram og leika list sína. Á hátíðina mæta tónlistarunnendur frá öllum heimshornum sem ráfa um tónleikastaði í leit að næstu stjörnum íslensks tónlistarlífs eða til að horfa á sitt uppáhalds atriði. 

Iceland Airwaves er óumdeilanlega mikilvægasti stökkpallur og kynningarvettvangur fyrir íslenska tónlist og tækifæri fyrir tónlistarunnendur til að sjá heimsklassa tónlistarfólk koma fram og í leiðinni uppgötva eitthvað nýtt í borg sem skapar einstaka stemningu sem fólk víðsvegar af úr heiminum sækist eftir ár eftir ár.