Um viðburðinn

Daniel Sloss er rísandi stjarna í heimi uppistandsins, hann er margverðlaunaður; að hálfu maður og að hálfu Xbox leikjatölva! Hann kemur fram í Þjóðleikhússkjallaranum 25. október með glænýja, brjálæðislega fyndna sýningu, Really ...?!, sem hefur slegið í gegn um allan heim.

Daniel
er einn af stærstu uppistöndurunum á Edinburgh Festival Fringe og þrátt fyrir að hann sé aðeins 24 ára gamall hefur verið pakkuppselt á hverja einustu sýningu sem hann hefur haldið á hátíðinni. Þess má geta að síðustu átta árin hefur hann staðið á sviði frammi fyrir tugþúsundum áhorfenda á Edinborgarhátíðinni og þar með slegið öll met í miðasölu. Hann hefur einnig komið fram um Bandaríkin þver og endilöng, á Englandiog víða í Ástralíu.

Auk þess hefur hann birst í sjónvarpsþáttum á borð við Sunday Night at the Palladium, John Bishop Show, The Late Late Show með Craig Ferguson og í Conan O'Brien Show. Daniel fór í sinn fyrsta Evróputúr á síðasta ári við stórkostlegar undirtektir og seldist upp á hvern viðburðinn á fætur öðrum. Þá kom hann við hér landi við góðar undirtektir landsmanna og verður þetta því önnur heimsókn uppistandarans unga til Íslands.

Daniel
hefur hvað eftir annað fengið frábæra dóma fyrir sýningarnar sínar, hann þykir hafa mjög áhrifaríka sviðsnærveru, vera eldklár, brjálæðislega fyndinn, með einlægt blik í auga ogafar heillandi. Íslendingar verða ekki sviknir af þessum unga eldhuga því hann veldur óstöðvandi hláturrokum hvar sem hann stígur niður fæti í heiminum.

****  - Scotsman
"Ekkert minna en brjálæðislega fyndinn ... Stórkostleg sýning" - Sunday Express
"Fyndinn, greindur og heillandi" ****  - Edinburgh Evening News
"Rísandi stjarna ... Óstöðvandi" - Telegraph
"Stórkostlegur" - Mail on Sunday

Bylgja Babýlóns og Kai Humphries hita upp.