Um viðburðinn

ABBA söngleikurinn sem allir elska

ÓMÓTSTÆÐILEG GLEÐISPRENGJA!

Gleðisprengjan MAMMA MIA! sló rækilega?í gegn síðastliðinn vetur. Yfir áttatíu uppseldar sýningar og fjörutíu og fimm þúsund Íslendingar bættust í hóp þeirra sextíu milljóna manna um allan heim sem hafa fallið fyrir rífandi fjörugri tónlist ABBA í söngleiknum heimsfræga MAMMA MIA! Enn fleiri hafa séð bíómyndina með Meryl Streep í aðalhlutverki. Sagan segir frá einstæðri móður sem?undirbýr brúðkaup einkadóttur sinnar. Forvitni dótturinnar ungu um uppruna sinn verður?til þess að hún býður á laun þremur gömlum kærustum móður sinnar í brúðkaupið í því skyni að komast að því hver þeirra sé faðir hennar. Gömlu kærastarnir vilja allir eiga dótturina og móðirin þarf að horfast í augu?við skrautlega fortíð sína – úr verður syngjandi skemmtilegur tilfinningarússíbani fyrir alla viðstadda.

MAMMA MIA! er sannkölluð stórsýning?sem hlaut hvorki meira né minna en sex tilnefningar til Grímunnar 2016: Fyrir bestu leikstjórn, búninga, lýsingu, dans, og þær Jóhanna Vigdís og Þórunn Arna voru báðar tilnefndar fyrir söng. MAMMA MIA! gekk?fyrir troðfullu húsi sex til sjö sinnum?í viku á síðasta leikári og snýr aftur?af fullum krafti!

Catherine Johnson (1957) er breskur leikrita- og handritshöfundur, best þekkt fyrir handrit sitt að kvikmyndinni og söngleiknum MAMMA MIA! sem farið hefur sigurför um heiminn. ABBA (1972) var sænsk popphljómsveit sem sló í gegn um allan heim á áttunda áratugnum.

Hljómplötur ABBA eru með söluhæstu hljómplötum allra tíma.

Höfundar: Catherine Johnson og ABBA Þýðing: Þórarinn Eldjárn.

Leikstjórn: Unnur Ösp Stefánsdóttir Leikmynd: Ilmur Stefánsdóttir Búningar: Filippía I. Elísdóttir Lýsing: Þórður Orri Pétursson Danshöfundur: Lee Proud

Tónlist: ABBA?Tónlistarstjórn: Jón Ólafsson Hljóðhönnun: Gunnar Sigurbjörnsson Leikgervi: Árdís Bjarnþórsdóttir Myndband: Petr Hlousek Aðstoðarleikstjórn: Hlynur Páll Pálsson Aðstoðardanshöfundur: Chantelle Carey

Leikarar: Arnar Dan Kristjánsson, Brynhildur Guðjónsdóttir, Ernesto Camilo Aldazabal Valdes, Esther Talía Casey, Eysteinn Sigurðarson, Halldór Gylfason, Helgi Björnsson, Jóhanna Vigdís Arnardóttir, Katla Margrét Þorgeirsdóttir, Maríanna Clara Lúthersdóttir, Orri Huginn Ágústsson, Vala Kristín Eiríksdóttir, Valur Freyr Einarsson, Þórunn Arna Kristjánsdóttir, Þuríður Blær Jóhannsdóttir.