Um viðburðinn

Víðfræga verðlaunahátíðin Strandgate Film festival verður haldin hátíðleg fimmtudaginn 11. ágúst. Allar stærstu myndir ársins keppast um ein virtustu verðlaun heims - aðeins þetta eina kvöld.

 Stærsta kvöld ársins er gengið í garð. Skærustu stjörnur sólkerfisins verða samankomnar í Bæjarbíói í Hafnarfirði fimmtudaginn 11. ágúst til að keppa um ein virtustu kvikmyndaverðlaun veraldar. Þetta er því einstakt tækifæri til þess að sjá brot úr stærstu kvikmyndum ársins, á undan öllum hinum! Tilnefndar eru myndir á borð við „Ekkjuna“, „Blesi og lesbían“, „Draumórar“ og „Hefnandinn 4: hinsta hefnd Hefnandans.“ Rauði dregillinn verður á sínum stað eins og árin áður en mælst er til þess að gestir klæðist sínu fínasta pússi á hátíðinni.

 Aðgangur er ókeypis, þökk sé styrktaraðilum hátíðarinnar: Bæjarbíói, viðburða- og menningarstyrk bæjarráðs og Al Salil Hilal fjárvörslusjóðnum. Sérstakar þakkir fær Akademían fyrir sitt göfuga starf.