Styrktartónleikar fyrir Úkraínu.
Tónleikar úkraínsku kammersveitarinnar Kyiv Soloists ásamt gestaleikurum
frá Íslandi fara fram þriðjudaginn 5. júlí 2022 kl. 19:30 í Eldborgarsal Hörpu.
Efnisskrá
C.M. von Weber, Klarinettukonsert nr. 1,
Einleikari Selvadore Rähni
C.M. von Weber, Píanókonsert nr. 1,
Einleikari Oliver Rähni
HLÉ
Kyiv Soloists leikur úkraínska tónlist undir stjórn Erki Pehk
M. Berezovsky: Sinfónía í C-dúr
A. Shymko: Dreams of an old forest fyrir strengjasveit (2004-2005)
P. Kacha: Úkraínskt þjóðlag, úts.Viktor Rekalo
V. Silvestrov: Silent music
Úkraínska kammersveitin Kyiv Soloists samanstendur af úkraínsku
tónlistarfólki sem hefur sigrað úkraínskar og alþjóðlegar tónlistarkeppnir.
Í ársbyrjun 2022 fór hljómsveitin í tónleikaferð um Evrópu og á Ítalíu fékk
hún fréttir af innrás rússneskra hermanna í Úkraínu. Allt breyttist og það var
ekki lengur mögulegt að snúa aftur heim til Úkraínu. Í samvinnu við leiðandi
tónleikahaldara í Evrópu var tónleikaferð Kyiv Soloists framlengd um óákveðinn
tíma.
„Við spilum fyrir friði í Úkraníu“, segja þau.
Kyiv Soloists koma til landsins á vegum Tónlistarhátíðarinnar Miðnætursólar
sem Tónlistarskóli Bolungarvíkur stendur fyrir ásamt Bolungarvíkurkaupstað.