Um viðburðinn

Silva Þórðardóttir: söngur

Steingrímur Teague: wurlitzer, píanó, söngur
Daníel Friðrik Böðvarsson: hljóðgervill, gítar

Tvær raddir, wurlitzerhljómborð og dempaður ómur af píanói í næsta herbergi. Þetta er uppleggið á plötunni More Than You Know sem kemur út á vínyl nú í júní og inniheldur sex gamla jazzstandarda og einn nýlegan.

Markmiðið með plötunni var að láta á það reyna hvort hægt væri að framreiða þessi aldurhnignu (en frábæru) lög á einhvern svipsterkan máta – þannig að ekki fari á milli mála um hvaða plötu væri að ræða – án þess þó að gjörbreyta lagasmíðunum sjálfum. Niðurstaðan skyldi vera plata sem hljómaði í senn framandi og kunnugleg - eins og vökudraumur um hálfgleymda jazzplötu sem maður þó elskaði fyrir langalöngu…

Til þess að allt verði með veglegasta móti á útgáfutónleikunum slæst Daníel Friðrik Böðvarsson í hópinn á hljóðgervil og gítar.

Platan kemur út á vínyl hjá Reykjavík Record Shop í byrjun júní.

Húsið opnar kl. 20:30
Miðaverð er 3.000 kr.