Um viðburðinn

Kór Hallgrímskirkju og Barokkbandið Brák efna til tónleika með tónlist eftir Jospeh Haydn sem verða þeir fyrstu í samstarfi milli Hallgrímskirkju og Brákar. Á tónleikunum verða flutt þrjú verk eftir Haydn; Salve Regina í E-dúr fyrir sópran, kór, strengi og continuo (frumflutningur á Íslandi); fiðlukonsert í A-dúr og Missa brevis sancti Joannis de Deo (litla orgelmessan) fyrir sópran, kór, strengi, orgel og continuo.

Við hlökkum til að sjá ykkur í vorskapi og fá að kynna fyrir ykkur Haydn í upprunaflutningi.

Kór Hallgrímskirkju
Barokkbandið Brák
Stjórnandi: Steinar Logi Helgason
Einleikari: Elfa Rún Kristinsdóttir
Einsöngur: Hallveig Rúnarsdóttir
Orgel: Björn Steinar Sólbergsson

Efnisskrá:

Salve Regina í E-dúr; Hob. XXIII b:1

Fiðlukonsert í A-dúr; Hob. VIIa/3

Missa brevis Sancti Joannis de Deo í B-dúr (Kleine Orgelsolomesse); Hob. XXII:7