Um viðburðinn

Þetta rafmagnaða dansverk eftir hina margverðlaunuðu Doris Uhlich ögrar viðteknum hugmyndum um möguleika líkamans og orkuna sem býr í okkur öllum. Með sprengikrafti í bland við ljóðræna mýkt fer hópur fatlaðra dansara með áhorfendur í taktfast og ófyrirsjáanlegt ferðalag inn í kjarna hins mannlega. Jafnvel smæsta hreyfing getur leyst ótrúlega orku úr læðingi.

Hver einasti líkami býr yfir sínu einstaka, lífræna afli en í verkinu rannsakar hópurinn einnig þá möguleika sem skapast þegar vélin – hvort sem það er rafknúinn hjólastóll, gervilimur eða stoðtæki – tekur við sem framlenging á líkamanum.

Hin austurríska Doris Uhlich hefur sett upp fjölda dansverka en hefur á síðustu árum ekki síst einbeitt sér að samvinnu við listafólk með líkamlega fötlun og leitað leiða til þess að skoða hreyfingar og hrynjandi líkamans í nýju ljósi.

Að sýningu lokinni gefst gestum færi á að spjalla við listafólkið.

Dramatúrg: Elisabeth Schack

Flytjendur:
Josefine Mühle
Adil Embaby
Karin Ofenbeck
Thomas Richter
Vera Rosner-Nógel
Katharina Zabransky

Ljósa- og sviðshönnuður: Gerald Pappenberger
DJ: Boris Kopeinig
Búningar: Zarah Brandl
Kynningarfulltrúi: Jonathan Hörnig
Framleiðsluteymi:
Margot Wehinger
Theresa Rauter
Alþjóðleg dreifing: Something Great
Endurgjöf: Yoshie Markuoka, Theresa Rauter
Þakkir: Omar Gomez Hernandez og allt aðstoðarfólk flytjenda
Meðframleiðendur:
Tanzquartier Wien
Schauspiel Leipzig & insert (Theaterverein)