Um viðburðinn

Þær setjast niður - tvær og tvær við sitt hvorn flygilinn - og hefja heillandi samtal. Á slíku stefnumóti getur allt gerst …

Fjórar magnaðar jazzkonur frá fjórum mismunandi löndum, hver þeirra í fremstu röð á sínum heimaslóðum, flytja eigin tónsmíðar og vega salt milli stemmningar, melódíu og hins óvænta.

Carmen Staaf leikur sér frjálslega með tónlist frá uppruna sínum út í hið óþekkta, á meðan Julia Hülsmann sækir sér aftur á móti innblástur í ljóðlistina og hrífst af mishljómi og nýjum uppgötvunum. Rita Marcotulli var alin upp við ítalska kvikmyndatónlist og mætir til leiks með ríkulega reynslu af því að flytja bandarískan jazz á meðan Sunna Gunnlaugs bætir íhugulli lýrík og norrænni angurværð út í þennan spennandi suðupott.

Fram koma
Carmen Staaf
Julia Hülsmann
Rita Marcotulli
Sunna Gunnlaugs