Um viðburðinn

Jólatónleikar Sinfóníuhljómsveitar Suðurlands verða í Skálholtskirkju 11. desember kl. 20.00. Hljómsveitin verður skipuð 50 hljóðfæraleikurum og í þeim hópi eru nemendur frá Tónlistarskóla Árnesinga og Tónlistarskóla Rangæinga sem fá þar með tækifæri til að koma fram með hljómsveit atvinnumanna í fyrsta sinn. 

Einsöngvarar á tónleikunum verða Hallveig Rúnarsdóttir og Eyjólfur Eyjólfsson og auk þeirra koma fram með hljómsveitinni, Barna- og unglingakór Selfosskirkju og Kirkjukór Selfosskirkju. 

Stjórnendur kóranna eru Edit Molnár og Kolbrún Berglind Grétarsdóttir. Konsertmeistari á tónleikunum er Greta Guðnadóttir og hljómsveitarstjóri og listrænn stjórnandi tónleikanna er Guðmundur Óli Gunnarsson.