Hátíðartónleikar Sycamore Tree ásamt hljómsveit í Fríkirkjunni
Sycamore Tree heldur hátíðartónleika í Fríkirkjunni þann 9.desember. Þar munu þau Ágústa Eva og Gunni Hilmars ásamt hljómsveit spila mörg af þeim lögum sem hafa hljómað á öldum ljósvakans á síðustu árum og farið hátt á listum landsins. Hugljúfur jólaandi verður á tónleikunum og munu þau setja vel valin jólalög í sinn einstaka og fallega búning. Þau héldu einmitt margrómaða tónleika í kirkjunni í upphafi síðasta árs fyrir troðfullu húsi og vilja þau endurtaka leikinn á þessum magnaða tónleikastað þar sem galdrar og draumkenndi heimur þeirra passar afar vel við salinn. Með þeim verða góðir gestir.
Miðaverð er 4.990.
Framvísa þarf neikvæðu hraðprófi.