Um viðburðinn

Dyrfjallahlaupið 2022 er utanvegarhlaup á Víknaslóðum í nágrenni Borgarfjarðar eystri. Hægt er að velja um tvær leiðir, 12 eða 24 km sem fara um fjölbreytt og stórbrotið landslag með Dyrfjöllin vakandi yfir okkur hinum megin í firðinum í allri sinni dýrð.

Dyrfjallahlaupið er fyrir löngu búið að stimpla sig inn sem eitt af skemmtilegustu utanvegarhlaupum Íslands og metþátttaka var í fyrra með vel yfir 400 þátttakendur sem sigruðust á þessari frábæru áskorun. Vegleg dagskrá verður í kringum hlaupið í ár þar sem allir geta fundið eitthvað við sitt hæfi.

Í ár verður hægt að kaupa þátttökuverðlaun og boli með aðgöngumiðanum en það er ekki nauðsynlegt. Verðlaunagripirnir og bolirnir verða afhentir eftir hlaupið. Einnig verður hægt að kaupa miða í veglegt matarhlaðborð eftir hlaupið hjá Já Sæll í Fjarðarborg