Um viðburðinn

Eldborg verður skipt upp í þrjú 500 manna sóttvarnarhólf, ekki er gerð krafa um neikvætt hraðpróf. Grímuskylda er á viðburðinum en veitingasala verður opin á undan tónleikum og í hléi. Gestir eru hvattir til að viðhafa einstaklingsbundnar sóttvarnir í hvívetna og gæta að fjarlægðarmörkum í almenningsrými.

Elsku fólk!

Það er ekki annað hægt en að blása til veislu!

Í tilefni af fertugs afmælinu mínu þann 4. október nk. ætla ég að stíga á svið í Eldborg ásamt hópi vina og samstarfsmanna og skauta í gegnum efnisskrá sem ég hef valið sérstaklega að þessu tilefni.
Ég ætla að hleypa söngvaranum út með dassi af tónleikahaldaranum og fá til mín marga gesti sem ég hef verið svo lánsamur að kynnast og vinna með í gegnum tíðina. Þá má ekki gleyma hljómsveit Rigg viðburða sem er mín uppáhalds sveit.
Eins þætti mér virkilega gaman að fylla salinnaf fólki sem hefur fylgt mér í blíðu og stríðu á þessum 25 árum sem ég hef staðið á sviði.

Með von um að sjá ykkur sem flest!
Kveðja, Friðrik Ómar

Miðasala hefst föstudaginn 10. september á tix.is