Um viðburðinn

Svavar Knútur söngvaskáld vitjar sinna æskuslóða og heldur tónleika á heitasta staðnum á Vesturströndinni, Vagninum goðsagnakennda á Flateyri, 16. júní næstkomandi. Á dagskrá verða bæði sígild íslensk sönglög og efni úr ranni söngvaskáldsins eins og trúbadora er von og vísa frá fornu fari.
Ekki er við öðru að búast en að það verði fagnaðarfundir þegar Svavar Knútur stígur á svið, þar sem fráhvarfseinkenni plaga alla þá sem einu sinni hafa leikið á Vagninum og Flateyringar eru annálaðir fyrir höfðinglegar móttökur og gestrisni.
Miðaverð er litlar 2.500 krónur.