Um viðburðinn

Andkapítalíska verðlaunasveitin Hatari nýtur heimsfrægðar á sviði dystópískrar Euro-tekknó tónlistar sem innblásin er af BDSM og dómsdagskveðskap.

Meðlimir sveitarinnar eru á svörtum lista hjá fjölmörgum leyniþjónustum og fleiri virtum stofnunum, en auk þess eru þeir áhrifavaldar á netmiðlum.

Sveitin Hatari var stofnuð árið 2015 með það fyrir augum að tortíma kapítalíska samfélagssáttmálanum í boði útgefanda sveitarinnar, Svikamyllu ehf. Liður í þeirri áætlun var síðan þátttaka Hatara í Eurovision í Ísrael árið 2019, þar sem þeir nutu talsverðra vinsælda og voru í kjölfarið sektaðir um umtalsverðar fjárhæðir í refsingarskyni.

Forsala hefst kl. 13.00 þriðjudaginn 1. júní
Takmarkaður miðafjöldi.