Tix.is

  • 29. ágú. - kl. 20:00
Miðaverð:6.900 kr.
Um viðburðinn

Stína Ágústsdóttir-Henrik Linder-Joel Lyssarides (IS/SE)

Stína Ágústsdóttir söngkona ætti að vera jazzunnendum landsins kunn en hún var tilnefnd sem flytjandi ársins á Íslensku tónlistarverðlaununum í ár og hefur gefið út plötur á borð við Jazz á íslensku (2016), Hjörtun okkar jóla (2019) og The Whale (2020) sem allar hafa fengið mikið lof.

Stína er búsett í Stokkhólmi og hefur á síðustu árum unnið með nokkrum af fremstu tónlistarmönnum þar í landi m.a bassaundrinu knáa Henrik Linder (Dirty Loops) og píanósnillingnum Joel Lyssarides. Saman skapa þau gífurlega öflugt tríó sem leikur sér að tónlistinni og fer á flug út í ævintýralegan hljómheim. Þau munu flytja blöndu af frumsaminni tónlist, sígildum jazzlögum og popplögum í þeirra eigin útsetningum.

Stína Ágústsdóttir (IS) : rödd
Henrik Linder (SE) : bassi
Joel Lyssarides (SE) : píanó / hljómborð

----------------------------------------------------------------------------------------------------------------------------------------------------------

Family Band (UK)

Family Band samanstendur af fjórum vinum og samstarfsfólki til langs tíma en þaðan kemur ‘family’ hluti nafnsins. Hljómsveitin leggur út frá tónlist þeirra músíkanta sem voru í fararbroddi fyrir frjálsa jazzinn eða “free jazz” byltinguna á 6. áratug síðustu aldar en sú hreyfing, og hvernig hún fór á svig við reglurnar ef svo má segja, er í dag álitin hafa verið nauðsynleg fyrir þróun tónlistarinnar. Family Band reynir því ekki að endurgera verk Ornette Coleman og fleiri samtíðarmanna hans heldur virkja sömu krafta, hreyfingu og andrúmsloft í tónlistinni. Útkoman er einstök upplifun áheyrandans.

‘One of the best modern jazz groups performing at the moment’ – Bebop Spoken Here

‘You simply HAVE to get to see them – you won’t be disappointed’ – Martin Powell, JATP

‘They were fantastic’ – Chris Philips, JazzFM

‘What a revelation – exciting group, gradually revealing more and more depth and thrilling the audience to the very end’ – Blow The Fuse, The Vortex


Kim Macari (UK) : trompet
Riley Stone-Lonergan (IE) : tenór saxófónn
Tom Rivière (UK) : kontrabassi
Steve Hanley (UK) : trommur