Um viðburðinn

Benni Hemm Hemm frumflytur glænýja tónlist sem koma mun út á árinu. Verkin sem flutt verða eru spunaverk sem eru að nokkru leyti skrifuð út, svo þau eru einhversstaðar á milli þess að vera skipulögð og fullkomlega kaótísk.

Hljómsveitin er skipuð Ívari Pétri Kjartanssyni, Páli Ivan frá Eiðum, Júlíu Mogensen, Margréti Arnardóttur, Inga Garðari Erlendssyni, Kára Hólmari Ragnarssyni og Benedikt H. Hermannssyni.

Hildigunnur Birgisdóttir sér um sjónræna umgjörð og gulltryggir að stemmningin verði einstök í Neskirkju föstudagskvöldið 11. júní.