Um viðburðinn

KÖLD Tónlistarhátíð er verður haldin í annað sinn í lok maí. Við erum mjög spennt fyrir því að blása til hátíðarinnar að nýju en tónleikar Köld í fyrra voru síðustu tónleikarnir á Austurlandi fyrir samkomuhömlur og nú fyrstu alvöru tónleikarnir rúmu ári síðar.

Neskaupstaður mun iða af gleði og hamingju
dagana 6. - 8. maí enda dagskráin glæsileg.

Takmarkað framboð af miðum.

6. maí - Eyjólfur Kristjánsson
Eyjólfur “Eyfi” Kristjánsson hefur um árabil verið í framvarðarsveit íslenskra laga- og textahöfunda. Eyfi hefur samið margar af dægurperlum okkar íslendinga. Lög eins og Álfheiður Björk, Draumur um Nínu, Danska lagið, Dagar eru komin til að lifa með þjóðinni um ókomna tíð. Eyfi mun flytja rjómann af sínum þekktustu lögum og spjalla á léttum nótum við tónleikagesti.

7. maí - Bríet
Bríet er vinsælasti tónlistarmaður landsins án efa og hefur verið það síðan hún gaf út sína fyrstu LP plötu Kveðja, Bríet. Með Bríeti eru þeir Þorleifur Gaukur og Rubin Pollock(Kaleo). Hér á ferðinni eru tónleikar sem enginn vill missa af.

8. maí - Dimma
Nú er kominn tími til að fá smá rokk í Egilsbúð. Dimma eru með nýja plötu í farteskinu og munu þeir flytja sín þekktustu lög ásamt glænýju efni. Þeir hafa ekki spilað á tónleikum í langan tima og hafa ekki verið í Egilsbúð í allt of langan tíma. Þetta kvöld getur ekki klikkað því alltaf þegar Dimma stígur á svið er stuð.

Samstarfsaðilar hátíðarinnar er SÚN og Menningarstofa Fjarðabyggðar.